غير مصنف

هنفطر ايه النهارده …تاسع يوم رمضان

كل يوم بنحس اننا محتارين نعمل فطار ايه النهارده…زوبة اللهلوبة هتقولك كل يوم تعملي ايه علي الفطار خطوة بخطوة  ..ومش بس كده كمان هتقولك علي العصير والحلو:

النهارده هنعمل : سمك محشي ، أرز بني ، سلطة خضراء ، عصير فراولة ، كريم كراميل

السمك المحشي

المقادير :

كيلو سمك ، خس ،  شرائح بطاطس ، 3 حبات جزر شرائح ، بصلتين شرائح ، ليومنتين شرائح ، معلقتين كبار  زيت زيتون ، معلقة  كبيرة كمون، ملعقة كبيرة كزبرة ، بهارات سمك ، ملعقة صغيرة كركم، ملعقة صغيرة ، فلفل أسود ، معلقتين كبار  ملح، ربع كوب عصير ليمون

الحشو:

4كوب بقدونس مفروم، 4كوب  كزبرة مفرومة، كوباية جزر مبروش، 10  فصوص ثوم ، فلفل اخضر مقطع ، زيت زيتون

الطريقة:

1- أحضري صينية كبيرة الحجم ضعي ورق الألمونيوم .افردى أوراق الخس ضعي السمكة على أوراق الخس في الصينية .

ثبتي الرف الشبكي في وسط الفرن سخني الفرن لدرجة حرارة 180 م .

اخلطي الكمون ، الكزبرة ، بهار السمك ، الكركم ،الفلفل والملح تبلي السمكة وضيفي عليها عصير الليمون

وعشان الحشو  ، اخلطي في طبقي تاني  البقدونس ، الكزبرة ، الجزر ، الثوم ، الفلفل ، الزيت وبقية البهارات . وحطيه جوه السمكة. هاتي صينية حطي تحتها الخس وفوقها السمكة المحشية . فوق السمكة حطي  شرائح البطاطس ، الجزر ، البصل والليمون و زيت الزيتون .

غطي السمكة بورق  الالمونيوم ودخليها الفرن ولما تستوي شيلي الورق وسبيها تحمر  .

ارز السمك البني :

المقادير

كوب ونصف من الأرز المصري

2 كوب من الماء

عدد 2 بصلة متوسطة الجحم

ملعقة كبيرة من تتبيلة السمك ان وجد ” ومكوناتها فلفل رومي + كمون+ ثوم+ملح”

3 ملعقة كبيرة زيت     

ملعقة صغيرة ملح

نصف ملعقة فلفل أسود مطحون

الطريقة

شوحى البصل فى الزيت حتى يصير لونه ذهبياً

قومى بوصع ال ملعقة تتبيلة السمك ” ثوم و فلفل رومي و كمون وملح ” علي البصلة والتقليب الجيد حتي وصول البصل الي اللون البني الغامق

لو لم تضيفى تتبيلة السمك اجعلى لون البصل ذهبياً غامقاً (كلما كان لون البصل غامقاً كان لون الرز بنياً)

ضيفى الملح والفلفل الاسود وقلبي

قومي بوضع الأرز مع التقليب و اتريكهم دقيقين علي النار هادئة

ضعي الماء  ، وعندما تصل للغليان ويمتصها الأرز قلبيه جيداً ثم اخفضى النار وضعى تحته الشياطة حتى يستوى

سر الارز البني البصل المفروم ناعم في الكبة ولا يفضل التقطيع

لاتهملي السلطة الخضراء

عصير الفراولة:

المقادير:

8 ثمرات فراولة

ثلج

3 معالق كبار سكر

معلقتان صغيرتان فانيليا

نصف كوب زبادي

نصف  كوب لبن كامل الدسم

الطريقة:

إنزعي عنق الفراولة وقطعيها إلى أنصاف .

ضعي في الخلاط الفراولة و اللبن والزبادي والسكر والفانيليا والثلج.

اخلطي المكونات في الخلاط وقدمي العصير في كاسات التقديم.

الحلو:

كريم كراميل:

كوبان لبن  ، 4 بيضات،  4 باكو فانيليا،   نصف كوب سكر .

للكراميل : كوب سكر  ، معلقتان كبار ماء

الطريقة:

 إخلطى السكر والماء فى طاسة على النار لحد ما يسيح ولونه يتغير ويصبح كراميل.

قومي بوضع  الخليط فى قاع قالب .

إضربى فى الخلاط اللبن والبيض والفانيليا والسكر

صبى الخليط فى القالب وحطيه فى صينية بها ماء ودخليه الفرن لحد مايستوي  

اتركي الكريم كراميل فى الثلاجة وإقلبيه وقدميه.

 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق