أسرار- الجمالمميز

بهذه الوصفات تخلصى من رائحه القدم الكريهه

رائحة القدم الكريهة من اكتر المشاكل المحرجة اللي بتقابل كتير من البنات, وده بيحصل لما بنقضي اليوم كل بره بنرجع البيت نقلع الجزمة نلاقي ريحة مش حلوة في الرجل, وخصوصا في فصل الصيف بشكل خاص بسبب حرارة الجو والرطوبة, عشان كده النهاردة زوبه اللهلوبه هتحل المشكله دى بوصفات طبيعية بسيطة وسهلة وموجودة في كل بيت.

1- وصفة زيت جوز الهند:

هنخلط من معلقة لمعلقتين كبار من زيت جوز الهند مع 5 نقط من زيت خشب الارز, اغسلي رجلك كويس ونشفيهم وبعدين دلكي رجلك بالخليط لحد ما البشرة تتشربه كويس, وكرري الوصفة كل يوم لحد ما تتخلصي من رائحة القدم, خلطة الزيوت دي بتساعد على قتل البكتيريا اللي بتنمو في الرجل, وبالتالي بتقضي على ريحة القدم الكريهة.

2- وصفة الزيوت العطرية:

ضيف من 8 لــ 10 نقط من زيت الخزامي او زيت شجرة الشاي(من عند العطار) لطبق فيه مية دافية ونقلب الخليط وبعدين تنقعي رجلك في الخليط لمدة 20 دقيقة, كرري الوصفة مرتين ف اليوم لحد ما تقضي على الريحة خالص, لان الزيوت العطرية ليها خصائص مطهرة ومضادة للميكروبات والفطريات اللي بتسبب رائحة القدم الكريهة, وغير انها هتخلصك من ريحة القدم كمان هتدي رجلك ريحة حلوة وهتنعم الجلد.

3- وصفة الملح الإنجليزي:

هاتى طبق فيه مية سخنة ونضيف عليها نص كوباية ملح انجليزي ونقلبهم كويس وننقع فيها الرجل من 20 لــ 30 دقيقة وبعدين نغسلها بالمية العادية , كرري الوصفة مرتين في اليوم, الخلطة بتمتص الرطوبة الزيادة من الجلد وبتقتل البكتيريا اللي بتسبب الريحة الكريهة, وفيها كمان خصائص فعالة مضادة للالتهابات للتخلص من الم القدمين وتنعيم البشرة.

4- وصفة عصير الليمون:

هاتى طبق فيه مية سخنة ونضيف لها كوباية ونص عصير ليمون ونقلبهم كويس وننقع الرجل في الخليط ده لمدة ربع ساعة وبعدين نغسلها بالمية العادية, كرري الوصفة مرتين في اليوم, الليمون بيحتوي على حمض الستريك اللي بيساعد على قتل البكتيريا اللي بتسبب الريحة الكريهة, ده غير انه الليمون يعتبر مادة قابضة بتساعد على تقليل مسام الجلد وبالتالي بيمنع العرق الزايد اللي ممكن يسبب الريحة الكريهة.

5- وصفه الملح :

هنحط 8 كوبايات مية سخنة في طبق ونضيف عليهم من 1 لــ 2 كوباية ملح ونقلبهم لحد ما يدوب الملح في المية وبعدين ننقع الرجل فيها لمدة 20 دقيقة, كرري الوصفة مرتين في اليوم, الملح هيمتص الرطوبة الزيادة من البشرة ويمنع نمو البكتيريا اللي بتسبب الريحة الكريهة.

6- وصفة الكربوناتو:

هنحط 8 كوبايات مية سخنة في طبق ونضيف عليهم من معلقة ونص لمعلقتين كربوناتو ونقلبهم كويس وننقع الرجل لمدة ربع ساعة, كرري الوصفة مرتين في اليوم, الكربوناتو فيها خصائص مضادة للجراثيم بتقضي على الريحة الكريهة وبتنعم البشرة.

7- وصفة أكياس الشاي:

هاتى طبق فيه مية سخنة ونضيف لها من 4 لــ 5 كيس شاي وسيبيه لمدة دقايق وبعدين نشيله من المية وننقع الرجل من 10 لــ 15 دقيقة, كرري الوصفة مرتين في اليوم, الشاي فيه مضادات للاكسدة وخصائص مضادة للجراثيم بتقضي على الريحة الكريهة.

–  وإليكى مجمومه من النصائح :

1- لازم نحرص على نضافة الرجل يوميا ونغسلها كويس اول ما نرجع البيت.

2- نقشر الرجل بانتظام بأي مقشر

3- الأفضل إنك تلبسي الشرابات القطن لأنها بتمتص الرطوبة من الرجل.

4- غيري الشرابات بشكل يومي, وحافظي دايما على نضافة الشرابات.

5- أول ما ترجعي البيت حطي الشوز بتاعك في مكان مفتوح عشان الهوا يدخل فيه ويضيع أي روايح ويمتص منه الرطوبة.

6- متلبسيش نفس الشوز كل يوم, يعني حاولي تبدلي بين اكتر من شوز.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق