أسرار المطبخلهلوبة المطبخمميز

عايزه تكونى لهلوبه فالمطبخ …هاتى ورقه وقلم واكتبى

1–الملوخيه وانتى بتسويها متحطيش عليها الغطاء الا وقت الطشه علشان متسودش منك ،ومتقلبيهاش بعد أما تحطى الطشه عشان مترقدش.

2–بعد ما تقورى الباذنجان ادعكى ايدك بليمونه علشان متسودش او البسى جونتى وانتى بتقورى .

3–بعد ما تخلصى خلطه المحشى وقبل ما تحشى ضيفى للخلطه ربع كوب زيت بتخلى المحشى يلمع وطعمه جميل .

4–لو بتعملى الرز بالسمنه اول اما تزوديه بالشوربه حطى معلقة زيت علشان يطلع مفلفل وبيلمع .

5–قبل ما تقلى الباذنجان رشى عليه ملح وحطيه فى مصفاه على الحوض هينزل كل الميه ومش هيشرب زيت فى القلى .

6–اللحوم وهى بتتسلق لو عاوزه تزودى ماء زوديها ميه مغليه مش ساقعه لان الساقعه هتخليها من غير طعم ،وهتاخد وقت فى التسويه .

7–وانتى بتعملى صنية رقاق حطى ربع معلقة صغيره بيكنج بودر فى الشوربه اللى هتسقى بيها الرقاق هيبقى مورق ومش هينشف منك .

8–الكفته اعمليها بالبرغل هيمتص الميه وهيحافظ على حجم الكفته وهيخلى طعمها جميل ومميز .

9–حطى معلقة ماء مثلجه فى بيض البانيه .هيفضل الزيت نظيف لحد اخر قطعه .

10–استبدلى اللبن فى الكيك بااى مشروب غازى مثل الميرندا او السفن اب هيخليها هشه ومرتفعه .

11–وإنتى بتحمرى البطاطس استنى على الزيت اما يقدح عشان متشربش زيت وتكون مقرمشه .

12–عشان اللبن الحليب ميلزقش فى الكسرونه وانتى بتغليه اشطفيها بالماء قبل ما تحطى فيها اللبن .

13–اما تخلصى تقطيع السلطه مضفيش الملح والخل إلا قبل الأكل مباشرة عشان الخضار ميدبلش ويفقد قيمته .

14–ممكن تضيفى فانليا بدل ماء الورد فى أي وصفه .

15–قومى بغسل الفواكه والخضروات فور شرائها.

16– لا تحتفظى باللحوم والدواجن أكثر من شهرين فى الفريزر .

17– متفكيش الخضار المثلج قبل التسويه ،ولكن سويه وهو متلج .

18– اعملى لوح لتقطيع الخضار ،وآخر لتقطيع اللحوم .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق