انا وطفليمميز

مع دخول المدارس قدمى السندوتشات بشكل جديد

اطفالنا بتزهق بسرعة من السندويتشات وبتبتدى تلاقى كيس السندويتشات راجع تانى زى ما هو او لم يتاكل كله … حلى المشكلة دى بأفكار التجديد الآتية:

 

 غيرى نوع الخبز‏

‏لو بتستخدمى الفينو غيريه مرة بالعيش الشامى او البلدى او حتى التوست ‏واحشيه‏ بحشوات مختلفة ‏كالبيض ‏او الجبن‏ ‏ او ‏المربي‏ ‏او  ‏العسل‏ ‏ ‏او‏ ‏التونة‏ ‏وغيرها‏

 

جددى شكل السندويتش

مش لازم رغيف الفينو تقدميه كل يوم بنفس الشكل ‏ممكن تغيرى طريقة تقطيعه على شكل حلقات ترنشات والتوست ممكن تستخدمى قطاعات البسكويت وتعملى منه أشكال مختلفة : نجوم ، دوائر ، مربعات ، مثلثات .. وادهنيها بالجبن السائح او النستو او المربى ‏ ‏او لفى ‏الخبز‏ ‏بشكل‏ ‏أسطواني‏ ‏

افكار حشو سندوتشات المدرسة 

مش لازم الحشو يكون تقليدى جبن‏ ‏بأنواعه (ابيض – رومى- نستو)  ‏أو‏ ‏البيض‏ ‏مسلوق‏ ‏ممكن تحطى مكانها حشوات تانية زى البانيه – الشاورما- التونة – اللحم المفروم – العجة – البطاطس – الطعمية

 

‏ضيفى الخضار والفاكهة

مع السندويتشات ممكن تضيفى بعض قطع الخضار كالطماكم والخيار والجزر أو اى نوع فاكهة .. وهذه التحلية ستغنى طفلك عن شراء الحلويات اللى فيها مواد حافظة ..

 

مخبوزات

للتغيير ممكن تدى طفلك بدل السندوينشات بعض المخبوزات كالفطائر والكرواسون والباتيه … سيكون تغييراً لطيفاً ومحبباً

وجبة التحلية للمدرسة

‏لو عاملة كيك فى البيت ممكن تحطى لابنك قطعة او اثنتان ‏ او ممكن علبة ‏ ‏ ‏زبادي‏ ‏بالفواكه‏ للتحلية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق